सच्ची दोस्ती

Advertisements

Ek Dukaan

Mandir aur Masjid ke beech thi ek dukaan

Saalon tak usmein Eid ki Sewayi  bhi milti thi

Aur Diwali ki Barfi bhi

Phir ek raat kursi se chipke do deemak aaye,

Dukaan toh chhodo, woh  dukaandaar ka dimaag bhi chaat gaye

Agli subah jab dukaan khuli,

Toh wahaan dhaalein aur talwarein latki thi…

Adhuri Kavita

Dil tehal raha tha
Tanhai ke veeraane main
Tabhi usse ek phool dikha
Phool jismein teri mehak thi
Uss mehak ko jab andar khincha tab
Titliyaan jo so gayi thi,
Phir uchal khud karne lagi
Dil ke pass aayi aur phool par baith gayi
Honthon ne aadha chaand banaya
Aankhon ki chamak se sooraj sharmaya…
Teri mehak ne hi itna kuch kar diya,
Ab tu bhi aaja saamne,
Tere bina…
Yeh kavita abhi adhuri si lagti hai…

Din Aur Raat

Din aur Raat main laga jhagda,

Raat: Aye din, main jab jab insaan ko sapno ke saath milkar aage laati hu, tum usse waapas peeche khich lete ho…

Din: Aye Raat, Andhere se nikal, phele khud main jhaank, main sapno ke saath milkar insaan ke chehre par jab jab hansi laata hu, tum sapno ko behla kar apne pass bulati ho aur uspe kaala rang daalkar, insaan ki neend udaati ho…